mercoledì 30 settembre 2015

Bene mio e core mio - Eduardo De Filippo.

Buonasera cari lettori di Frasiandu.
Anche questa sera vi intratteniamo con una bella poesia, vi auguriamo una splendida serata e buona lettura.


Se tiene 'o desiderio 'e 'na canzone...
sa' che vuò fa?...

Càntale 'e stienne a voce quanno ammore
te fa cantà!...

Si sto durmenno, me sceto
e nun trovo arricietto...

Quanno me songo scetato,
me votto d''o lietto!...

Che staje miezz' 'o mare?
- me mengo! -

Che staje 'mparaviso?
- nce vengo!... -

Senza scala si voglio... nce saglio!
pecchè saglio, penzanno... si voglio!

Miezz' 'e nuvole 'a strata m' 'a sceglio...
Me sbaglio, me mbroglio,
ma saglio e te piglio!

Sott' 'a l'acqua, sott' 'o viento,
sott' 'o nuce e Beneviento,
pe' cantà 'nzieme cu te:
"Bene mio e core mio!"...
pe' cantà 'nzieme cu te!..


di
Eduardo De Filippo.

Grazie sempre per la vostra attenzione,Staff Frasiandu.

venerdì 18 settembre 2015

'o cunto - Eduardo De Filippo

Buonasera cari lettori di Frasiandu,
La settimana sta per finire e noi ci godiamo il fine week end con la lettura delle poesie che ogni giorno vi proponiamo, sperando sempre che siano di vostro gradimento.
Vi auguriamo una splendida continuazione di serata, buona lettura e  al prossimo post!




Cielo 

ca puntualmente 
'o mes' 'austo 
abbremecato 
'e stelle 
te presiente, 
e ca te faie 
cchiù blù 
pecché 
cchiù argiento 
cchiù splendente 
e brillante 
sti meliune 
'e stelle 
'anna parè... 
cielo, 
tu saie che ssì 
pè chistu munno, 
pè nnuie ca t'aspettammo 
e te vedimmo? 
Sì 'o finale 
ncantato 
'e nu cunto 
ca nuie stesse ammentammo, 
e sulitariamente 
c' 'o core 
e c' 'o penziero 
nce cuntammo. 
cumme se specchia a mmare 
dint' 'o cuntammo. 
Cumme se specchia a mmare 
dint' 'o scuro 
'o ffuoco d''e granate! 
Se spara p' 'a custiera, 
tuorno tuorno... 
Pè San Giuvanne, 
Puortece, 
Resina, 
Torre 'o Grieco, 
Pumpei, 
Castellammare... 
'A rimpetto 
risponne 
Vico Equense, 
Sant'Agnello, 
Surriento... 
Aret' a na muntagna 
nu bagliore: 
spara Massa Lubrense. 


                                                                                                                             Marciano pure spara... 
e appriesso appriesso 
sant'Agata 
crapolla 
Pusitano... 
Spara Furore 
Vietri 
e sparano a Praiano. 
Cielo, 
sò 'e stelle noste, 
sò 'e pparole mbrugliate 
'e nu discorso 
ca sultanto sparanno 
trova 'o filo, 
pè te dà na risposta 
pè te dà segno 'e vita 
pure nuie... 
E ogn'anno, 
'o mes' 'austo, 
puntualmente 
ognuno conta 'o cunto 
a modo suio...


di

Eduardo De Filippo.



Grazie sempre per la vostra attenzione,Staff Frasiandu.

martedì 15 settembre 2015

' A Vita - Eduardo De Filippo

Buonasera cari lettori di Frasiandu.
E' iniziata la scuola , sta arrivando l'autunno e non ci resta che rifugiarci nella lettura e nell'approfondimento dei vari autori.
Oggi vi intratteniamo la giornata con un altra bella poesia di Eduardo De Filippo, a voi buona lettura!


Io songo nat' 'o millenoviciento 
e tengo n'anno. 
Tu sì d''o sittantotto 
e n'anno tiene. 
Chillo che dice: "Sò arrivato a ciento!" 
tene n'anno pur'isso. 
'O calannario nun 'o date retta. 
'O calannario è n'atu scucciatore, 
ca vuluntariamente 
nce 'accattammo 
nuje stesse 
e nce' 'o piazzammo 
vicin' 'o muro 
religiosamente. 
'A vita dura n'anno. 
Tutto 'o ssupierchio è na supirchiaria. 
o, cumme fosse, inutile... 
Dicimmo a lengua nosta: 
"È p'ingiaria!" 
Tu, quanno nasce, allora è primmavera. 
E tutt' 'o vverde nuovo 
'e chelli ffoglie nove 
è na speranza! 
È tutta na speranz' 'e vita allera. 
Vide tanta faccell''e criature 
ch' 'e scuffie culurate: 
sò tutt' 'e ccriaturelle nate morte, 
ca tenen' 'o permesso, 
na vota all'anno, 
'e s'affaccià p' 'o munno... 
E teneno diritto a 'o primmo sole: 
sò è primme viole! 
Pò schiòppene garuofene schiavune 
e giesummin' 'e Spagna. 
'A miez' a mille sciure, 
ca sò 'e mille sciure, 
ca sò 'e mille culure, 
ru sciglie 'a margarita, 
ca t'add'accumpagnà 
pè tutta 'a vita. 
E; comme ch'è nu sciore 
busciardo e traditore, 
te dà 'o primmo delore... 
te dice: "No!" 
Te scite na matina e 'o sole coce. 
Coce pecché è ll'està. 
Te scite e durmarisse n'atu ppoco, 
ma dint' 'o lietto nun ce se po' sta. 
Nfra veglia e suonno, 
ll'uocchie mieze nchiuse, 

stienne na mana 
e cuoglie na cerasa. 
'A sera, 'o ppoco 'e frisco 
e nun t'adduorme... pecché nun può durmì. 
Pienze che vene autunno, 
e tu ce pienze 
pecché, po' doppo, vierno adda venì. 
'E penziere sò assaie, 
t'addubbechie. 
Sient' 'a voce 'o puntone: 
"Chin' 'e fuoco!" 
Ma par' 'o boia ca taglia 
e quanno taglia, sott' 'a curtella, 
schioppa nu mellone. 
Vene l'autunno te lass' appecundruto. 
Già miezo cunzumato 
te trova vierno. 
acqua, trònole e viento, 
e tu nzerrat' 'a dinto: 
broro vullente! 
Spara sti botte, 
alluma sti bengale; 
arrust' 'e capitune, 
ch'è Natale!... 
Ncoll''e pasture!... 
Ca mpunto mezanotte, 
nasce 'o Bammino. 
Chella, mamma, è devota, 
perciò nasce 'o Bammino. 
Sti Bammeniello nasce n'ata vota? 
Lassat' 'o j'... 
Chillu stesso martirio 'e quanno è nato 
l'adda turnà a suffrì? 
'A vita dura n'anno. 
Tutt' 'o ssupierchio è na supirchiaria. 
È, comme fosse, inutile/ 
Dicimm'a llengua nsota: 
È p'ingiaria.



di
Eduardo De Filippo.


Grazie sempre per la vostra attenzione,Staff Frasiandu.

martedì 8 settembre 2015

Eduardo de Filippo.

Buonasera cari lettori di Frasiandu.
Oggi parleremo di uno dei più grandi  commediografo italiano esisto, stiamo parlando del grande e unico Eduardo de Filippo.
Nasce a Napoli il 24 maggio del 1900 è stato un grandissimo drammaturgo, attore, regista, poeta e sceneggiatore italiano.
Uno dei massimi esponenti del novecento autore di innumerevoli drammi teatrali da lui stesso messi in scena interpretati e seguiti sia in Italia sia all'Estero.
Nominato Senatore a vita muore nel a Roma nel 1984. 


' A  fenesta 

E tengo na fenesta a pianterreno, 
c'affaccia int' a na strafa scanusciuta; 
cu n'aria profumata, e na veduta, 
ca si t'affacce, nun t' 'a scuorde cchiù. 
Si stongo 'e buonumore, affacci' a mmare, 
e veco semp' 'o stesso bastimento 
ca parte chin' 'e fede e sentimento, 
e c' 'a bandiera d''a sincerità. 
Parte ciuro, e nun arriva maje. 
Quanno s'abbìa, sabbìa c' 'o maistrale; 
ma ncòccia sempre 'o stesso tempurale, 
'o stesso maletiempo, e adda turnà! 
Quanno senza speranza, e senz'ammore 
m'affaccio e vec' 'o stesso bastimento, 
nce mengo dinto 'o core mio scuntento, 
e c' 'o mare ntempesta dico: "Va". 
Quann'è bontiempo, ognuno è marenaro 
e se vulesse mettere a temmone... 
C' 'o mare ncalma, tutte songo buone 
'e purtà nu vapore a passià. 
Miéttece a buord''o bene ch' 'e vuluto, 
e tutt' 'o chianto amaro ch'è custato... 
Nisciunu bastimento s'è affunnato 
quanno ce' 'e miso a buordo 'a Verità


di
Eduardo de Filippo.




Grazie sempre per la vostra attenzione,Staff Frasiandu.