lunedì 17 novembre 2014

Pe stà vicino a tte

Bentrovati cari lettori,

Oggi parleremo delle poesie di
Antonio De Curtis, conosciuto come "Totò".
E’ stato un grande attore, drammaturgo, poeta, cantante e artista italiano, uno dei maggiori interpreti nella storia del teatro e del cinema italiani.

Ripercorreremo  tutte le sue opere più belle a partire dalle sue poesie. 


Buona navigazione,Staff FRASIANDU.




Pe stà vicino a tte

Vulesse addeventà nu barbuncino: 
uno 'e chilli canille nire e riccie 
ca siente 'e dì p' 'a strada: "Che carino!... 
sembra un batuffolino... nu capriccio". 
E me 'nfezzasse dint' 'a na vetrina 
d''o primmo magazzino ca truvasse; 
e tu, passanno 'a llà ogni matina, 
te 'ncapricciasse 'e me e m'accattasse. 

Io già me veco cu nu cullarino 
tutto 'ndurato cu ddoje campanelle 
sdraiato appiede a tte 'ncopp' 'o cuscino: 
p' 'a gioia, cchiù nun ce stesse dint' 'a pella! 

E quanno po' tu me pigliasse 'mbraccio, 
dicenneme parole azzuccuselle, 
io t'alleccasse 'e mmane, l'uocchie e 'a faccia 
sbattenno 'e zampe, 'e rrecchie e 'sta curella. 

Pe stà sempe cu tte matina e sera 
nun me 'mpurtasse 'e fa sta vita 'e cane! 
Vicino a tte t' 'o giuro 'e sta manera 
vulesse bbene pure 'o acchiappacane!

Antonio De Curtis (Totò)