venerdì 9 ottobre 2015

'o mare - Eduardo de Filippo.

Buongiorno cari lettori di Frasiandu.
Siamo alla fine della settimana , finalmente domani è Sabato giorno di riposo, di divertimento e di svago.
Oggi vi intratteniamo con un bellissimo testo del grande De Filippo, ricordando la stagione più bella,L'estate.
Il mare uno dei paesaggi più belli al mondo, a voi buona lettura e buona giornata!




"'O mare fa paura" 
Accussì dice 'a ggente 
guardanno 'o mare calmo, 
calmo cumme na tavula. 
E dice 'o stesso pure 
dint' 'e gghiurnate 'e vierno 
quanno 'o mare 
s'aiza, 
e l'onne saglieno 
primm' a palazz' 'e casa 
e po' a muntagne. 
Vergine santa... 
scanza 'e figlie 'e mamma! 
Certo, 
pè chi se trova 
cu nu mare ntempesta 
e perde 'a vita, 
fa pena. 
e ssongo 'o primmo 
a penzà ncapo a me: 
"Che brutta morte ha fatto 
stu pover'ommo, 
e che mumento triste c'ha passato". 
Ma nun è muorto acciso. 
È muorto a mmare. 
'O mare nuna cide. 
'O mare è mmare, 
e nun 'o sape ca te fa paura. 
Io quanno 'o sento... 
specialmente 'e notte 
quanno vatte 'a scugliera 
e caccia 'e mmane... 
migliara 'e mane 
e braccia 
e ggamme 
e spalle... 
arraggiuso cumm'è 
nun se ne mporta 
ca c' 'e straccia 'a scugliera 
e vveco ca s' 'e ttira 
e se schiaffea 
e caparbio, 
mperruso, 
cucciuto, 
'e caccia n'ata vota 
e s'aiuta c' 'a capa 
'e spalle 
'e bracce 
ch' 'e piede 
e cu 'e ddenoccie 
e ride 
e chiagne 
pecché vulesse 'o spazio pè sfucà... 
Io quanno 'o sento, 
specialmente 'e notte, 
cumme stevo dicenno, 
nun è ca dico: 
"'O mare fa paura", 
ma dico: 
"'O mare sta facenno 'o mare".


di
Eduardo De Filippo.


Grazie sempre per la vostra attenzione,Staff Frasiandu.